“અફસોસ"(મૃત્યુ પછી નો)
કાયા છોડી આત્મા, રોતો રહે નિરધાર,
ભાઈને દુભવ્યા હતા, હવે કોણ સુણે પોકાર?
ધન દોલત જમીન બધી, પડી રહી ઘર માય,
માફી માગું સૌને, પણ જીભ ના ચલાય.
જીવતે 'મારું મારું' કર્યું, બાંધ્યા કપટના તાર,
મર્યા પછી જોયું મેં, ખાલી કરમ ભંડાર.
શાહુકાર બનીને જીવ્યો, ના બન્યો કોઈનો બાપ,
હવે વળગે આતમને, એ જીવતરનો શ્રાપ.
હાથ લંબાવું ભેટવા, હાથ નીકળે આરપાર,
શબ્દો થીજી ગયા હવે, નૈણ વહે અણધાર.
સુણે કોઈ જો જીવતા, મર્યા પછીની વાત,
પ્રેમથી ધન વહેંચજો, ન કરશો જાતે ઘાત.
