અધિકમાસે વિનવીએ તમને પ્રભુ કર જોડીને.
પુરુષોત્તમ પ્રાણાધાર માનવમતિ અમે થોડીને.
અંતરયામી આજ પધારો ધરા તમને ઝંખે ને.
સાનિધ્ય સહજ સાંપડે તુજ વિણ સૌને ડંખેને.
ભજન કીર્તન કરીએ ભાવ ધરીને પવિત્ર માસે.
રીઝશે જરૂર સાકેત વાસી એવી અંતર આશે.
ભક્તિ ભાવ સૌમાં સંચારો દયાનિધિ સરકાર,
દર્શન દ્યો દયાનિધિ આપે આજ ભૂમિ આવકાર
જપ,વ્રત,તપ થકી પાતક દઈએ પ્રજાળી પ્રભુ,
દાન પુણ્યના પ્રભાવે પ્રભુ ભણી આગળ વધું.
- ચૈતન્ય જોષી.'દીપક' પોરબંદર.
