#AJ #માતૃભારતી #matrubharti
શ્વાસ...
મારા શ્વાસે શ્વાસમાં તારો અહેસાસ ભરું,
પછી જીવન જીવવાની એક કલ્પના કરું !
પામવા તુજને ના તારા પર કોઈ રોબ કરું,
કે, ના પામવાનો, હું કદીયે ના વિષાદ કરું !
જીવંત રહું તુજમાં ફક્ત, તારો જ બની રહું,
પળ બે પળ જે પણ, તારામાં જ મસ્ત રહું !
મળે છે જ્યારે એકાંત, ખુદને તારી વાતો કરું,
યાદ કરું તને પહેલાં, પછી હું યાદ ઈશને કરું!
બસ આમજ ચાલે છે શ્વાસની ક્રિયા નિરંતર,
જીવંત રહે તું મુજમાં, ને હું બસ તુજમાં ધબકતો રહું.
મિલન લાડ. વલસાડ. કિલ્લા પારડી.
