आई
आज तू नाहिस
तरीही क्षणाक्षणाला कस
तुझे अस्तित्व जाणवत राहतं?
उन्हा - तान्हात भटकताना
तुझ्या पदराची सावली
सतत का असते डोईवर ?
ठेच लागून घडपडलो तर
' लागलं तर नाही ना बाळ'
असं कोण विचारत ग?
दुध भाताचा गोड घास
ढगाआडचा चांदोबा, नाचणारा मोर
चिऊ-काऊची गोष्ट आजही कोण सांगत ग?
देवाच्या घरी दूर तुझे गाव
तुझ्या मनाला नसेल तिथे ठाव
आजही असतात का ग
वाटेवर माझ्या डोळे तुझे?
( सगळ्या आईंना समर्पित)
दि.१०/०५/२६
बाळकृष्ण सखाराम राणे
