નારી.!!!!?
કોણ છે અબળા? સૌ પર ભારી એ નારી,
શૌર્ય, સહન અને શાનની અવતારી એ નારી.
આંધી આવે તો છાતી તાનીને ઊભી રહે,
ભયને હરખાવી દે એવી લડનારી એ નારી.
માતૃછાયામાં વિશ્વને જીવવાની રીત શીખવે,
કઠોર સમયે પણ રહે કરુણાધારી એ નારી.
ચુપ રહીને પણ બદલે કિસ્મતના પાનાં,
શબ્દ વિના બોલે એવી અસરકારી એ નારી.
બંધન તોડી આગળ વધે પોતાના જ બળે,
નિયમોને પડકારે એવી હક્કદારી એ નારી.
'પ્રસંગ' કહે, ગર્વ છે મને આ ઓળખ પર આજે,
સમયથી પણ ઊંચી ઊભી સ્વાભિમાની એ નારી.
પ્રસંગ
પ્રણયરાજ રણવીર
