મારા રામ.....
વરસોના વ્હાણાં વાયાં મારા રામ!
મારા મહેલે પધારો મારા રામ.....
વિધ વિધ ફૂલના હારલા બનાવ્યા !
ચોક ચોખલીયે પુરાવ્યા મારા રામ...
શેરી વળાવી તોરણીયાઁ બંધાવ્યાં.
ટોડલે મોરલીયા ચિત્રાવ્યા મારા રામ!
સાવ સોનાના ઢોલિયા ઢળાવ્યા.
શિરખું રેશમની પથરાવી મારા રામ !
ગરમ નાવણીયાં ભરી રખાવ્યાં !
પાટલે બેસી ન્હાવો મારા રામ..
સાગ સિસમના બાજોઠ ઢાળ્યા !
વિધ વિધ ભોજન પીરસું મારા રામ..
નાગરવેલના વિધ વિધ મુખવાસ.
તમને ભાવે તે આરોગો મારા રામ...
કેળ ખજૂરીના ચમ્મર બનાવ્યા!
કરો નિરાંતે આરામ મારા રામ !
- वात्सल्य
