ચાલી ગઈ દિવાળીને આવી ગઈ દેવદિવાળી.
નવલાં વરસે ભાળીને આવી ગઈ દેવદિવાળી.
અવસર તુલસીવિવાહનો આવ્યો જાણીને સૌ,
હોય જાણે કે હેતાળીને આવી ગઈ દેવદિવાળી.
વધ્યા ઘટ્યા ફટાકડા પણ ફૂટવા લાગ્યા ચારેકોર,
અગિયારસને ઊજાળીને આવી ગઈ દેવદિવાળી.
જાગ્યા જાણે જગત્પતિ શુભ સમય કાર્તિકનોને,
જિંદગી લાગતી રૂપાળીને આવી ગઈ દેવદિવાળી.
સ્વર્ગે હશે આનંદકિલ્લોલને પ્રભુ જાગ્યાનો હર્ષ,
એકમેકને દેત હાથતાળીને આવી ગઈ દેવદિવાળી.
- ચૈતન્ય જોષી. ' દીપક ' પોરબંદર.
