એક દિવસ આપણે ભરવાનો છે એ નક્કી.
આભસિતારો એકદા ખરવાનો છે એ નક્કી.
વહેમ આપણો પોષાય કાયમ રહેવા તણો,
એકરાર ગુનાઓ કેરો કરવાનો છે એ નક્કી.
આજનું કરેલું આવતીકાલે પરત મળે અહીં,
સિદ્ધાંત કર્મનો સમયે ફળવાનો છે એ નકકી.
રોજ કોઈને કોઈ સિધાવે છે સફર પૂરી કરીને,
તોયે સ્મશાન વૈરાગ્ય છૂટવાનો છે એ નક્કી.
સમયને સાચવી નીતિથી જીવી શકે ચતુર ,
બાકી ઉપર પસ્તાવો એ કરવાનો છે એ નક્કી.
- ચૈતન્ય જોષી. ' દીપક ' પોરબંદર.
