સૌને સારાં કામ કરવાની શક્તિ દેજે ઈશ્વર.
વૈખરી સામે પરા વદવાની શક્તિ દેજે ઈશ્વર.
અન્ન, વસ્ત્રને આવાસથી પૂરી ન થાય જિંદગી,
રામચરણમાં રતિ રાખવાની શક્તિ દેજે ઈશ્વર.
જેવા સાથે તેવા એ તો છે સંસારીનો ખેલ બધો,
અપકારો બીજાના ભૂલવાની શક્તિ દેજે ઈશ્વર.
ના કદી કોઈનું બૂરું વિચારવાની હો ઈચ્છા વળી,
સર્વેને સુખી કરવા વિચારવાની શક્તિ દેજે ઈશ્વર.
પાણીના પરપોટા સમી છે આ જિંદગી આપણી,
થોડામાં ઝાઝું કરી છૂટવાની શક્તિ દેજે ઈશ્વર.
- ચૈતન્ય જોષી. ' દીપક ' પોરબંદર.