આવી શકે તો આવજે
બહું તાણ નહિ કરું
મારી મનોદશાની તને જાણ નહિ કરું
ભડકે ભલે બળી જતું
ઈચ્છાઓનું શહેર
તારી ગલીમાં આવીને રમખાણ નહિ કરું
ધરતી ઉપર છું
ત્યાં સુઘી જોઈશ હું રાહ
પણ ઈશ્વરને કરગરી વધુ રોકાણ નહિ કરું
જે છે દિવાલ તારા તરફથી
તું તોડજે તલભાર
મારી બાજુથી હું ભંગાણ નહિ કરું
કિસ્સો હૃદયનો છે
તો હ્રદયમાં જ સાચવીશ
પુસ્તકમાં છાપી પ્રેમનું વેચાણ નહિ કરું
આવી શકે તો આવજે
બહું તાણ નહિ કરું
મારી મનોદશાની તને જાણ નહિ કરું
લિ.
આશા મોદી
