....." મનોવ્યથા "
ફક્ત પૂછી લેત જો એ આજ હાલહવાલ મારાં;
તો, સરળ થઇ જાત કરવા, ઘાવનાં ઉપચાર મારાં;
દૂરથી શું પૂછયું 'તું કોઇને? કે, કેમ છે....એ?
શું ન જોયા કે વિરહમાં પલળયા છે ગાલ મારાં?
હોય દિલ પણ હોય નહિ કો' ભાવના, તો કામનું શું?
એમણે તો અનુભવ્યાં છે, પ્રેમનાં હર ભાવ મારાં?
જિંદગી છે એમની તો એમને દિલથી મુબારક,
જિંદગીમાં થઇ જશું એમ જ ઠરીઠામ મારાં;
"વ્યોમ" સ્વાર્થી છે જગત ને હર સબંધો પણ છે સ્વાર્થી,
થઇ ગયાં છે પારકાં, જો આજકાલ તમામ મારાં;
✍... વિનોદ. મો. સોલંકી "વ્યોમ"
જેટકો (જીઈબી), મુ. રાપર.