કુંજમાં કોયલ બોલતી એનો શેરીએ આવે સાદ,
હાલ્યને આંબાવાડીએ, હજી પોરની તાજી યાદ.
પાંદડુંયે નહિ પેખીએ એવો
ઝૂલતો એનો મોર.
કોઈને મોટા મરવા અને
કોઈને છે અંકોર
ડોલતી ડાળે ઘૂમીએ આપણ ગજવી ઘેરો નાદ.
કુંજમાં કોયલ બોલતી એનો શેરીએ આવે સાદ,
ઘર નું નાનું અંગણું,
ગમે મોકળું મોટુ વન:
કોઇનોયે રંજાડ નહિ ને
ખેલવા મળે દન.
હાલીયે ભેરુ, કાયર જે કોઈ હોય તે રહે બાદ;
કુંજમાં કોયલ બોલતી એનો શેરીએ આવે સાદ.
જ્યારે કવિ શ્રી રાજેન્દ્ર શાહ ની આ કવિતા વાંચીએ ને ત્યારે બાળપણમાં આંબા નીચે બેસીને કોયલનાં ટહુકા સાંભળતા સાંભળતા મિત્રો સાથે ઘોળીને ખાધેલી એ કેરીઓ પણ યાદ આવે જ....
#Mango
