... " અભણ જ હતાં સારાં "
ભણી ગણીને કરવો કચરો, એના કરતાં તો અભણ જ હતાં સારાં;
ને વ્યભિચારમાં વિચરો, એના કરતાં તો અભણ જ હતાં સારાં;
રંગ રોગાન કરીને શુટ બૂટમાં મહાલતાં સમજવું પોતાને કૈંક ખાસ,
પાછો રહેતો અતડો અતડો, એના કરતાં તો અભણ જ હતાં સારાં;
પાશ્ચાત્ય સંસ્કૃતિ સમજી સ્ટેટસ, ખુદની સંસ્કૃતિ નજર અંદાજ કરવી,
ફેલાવી દુષણોની અસરો, એના કરતાં તો અભણ જ હતાં સારાં;
ઇંગ્લીશ મિડિયમ ભણતરની લાગી હોડ, ને માતૃભાષા થઈ ગૌણ,
મંડાયો સંસ્કૃતિ પર ખતરો, એના કરતાં તો અભણ જ હતાં સારાં;
કોંક્રીટના જંગલો ફેલાતાં ગયાં અને નષ્ટ થતાં ગયાં તરુવર જંગલો!
"વ્યોમ" કહે છે હવે તો અટકો, એના કરતાં તો અભણ જ હતાં સારાં;
✍... વિનોદ. મો. સોલંકી "વ્યોમ"
GETCO (GEB), મુ. રાપર.
