(૧) ઉનાળાનું પહેલું અમૃત !
ખારી, મીઠી છાશ! ૪/૫ ગ્લાસ પીવો ત્યારે મનમાં થાય છે હાશ.
(૨) ઉનાળાનું બીજું અમૃત !
કાચી કેરીનો બાફલો, ૨/૪ ગ્લાસ પીવો તો ગરમીનો દૂર થાય કાફલો.
(૩) ઉનાળાનું ત્રીજું અમૃત !
લીલા નારિયેળનું પાણી, જલ ક્ષય મટાડે ભલે જાત હોય બફાની.
(૪) ઉનાળાનું ચોથું અમૃત !
તીખી, રડાવતી ડુંગળી, ગમે તેટલી લુ લાગે, તેને જાય છે ગળી.
(૫) ઉનાળાનું પાંચમું અમૃત !
લીંબુ ખાટું ખાટું, શરબત બનાવી ને પીવો, તો લુને મારે પાટું.
(૬) ઉનાળાનું છઠ્ઠુ અમૃત !
લીલું લીલું તરબૂચ! તેના શરબત પીવાથી દૂર થાય, ઓછા પેશાબની ગૂંચ.
(૭) ઉનાળાનું સાતમું અમૃત !
ગુલાબનો ઠંડો ગુલકંદ! દૂધમાં નાખી પીવો તો સ્વાદે છે મનપસંદ.
(૮) ઉનાળાનું આઠમું અમૃત !
કોકમનું શરબત ! હાયપર એસિડિટી ઉપર આ શરબત ફેરવે મોટી કરવત.
(૯) ઉનાળાનું નવમું અમૃત !
મીઠો સુગંધી વાળો, પાણીમાં નાખી પીશો તો નહિ નડે કાળો ઉનાળો.
(૧૦) ઉનાળાનું દસમું અમૃત !
કેરીનું કચુંબર, તડકામાંથી આવ્યા હો તો ગરમી કરે છુમંતર.
(૧૧) ઉનાળાનું અગિયારમું અમૃત !
કાચી કેરીનો મુરબ્બો, સખત તાપને લુને તે પાછળથી મારે ધબ્બો.
(૧૨) ઉનાળાનું બારમું અમૃત !
પાકી કેરીનો રસ, સૂંઠ ઘી નાખી પીશો તો રાજી થશે નસે નસ.
ઉનાળાના આ છે અમૃત બાર,
જે ઉનાળાના રોગોને કરે છે ઠાર.
