" દિલમાં વ્યાપી જુઓ "
અંતર હૃદયથી હૃદયનું, થોડુ માપી જુઓ.
અંતર જરા જેટલું તો, આપ કાપી જુઓ.
અઘરી નથી કોઈ એકની કરવીએ અર્ચના,
કોઈની એક મૂરતને ભીતરમાં સ્થાપી જુઓ.
મુશ્કેલ થઇ જાય છે દિલથી પછી ભૂંસવું,
ઘૂંટેલ એક નામને મનમાં તમે છાપી જુઓ.
દિલ છે પછી કોઈનું પણ થઇ શકે એમ છે,
બીજાની તો વાત શું કરવી? કલાપી જુઓ.
બે તન પછી થાય છે એક આતમા "વ્યોમ", તો-
ઊંડાણથી કોઈના દિલમાં જ વ્યાપી જુઓ.
✍... વિનોદ. મો. સોલંકી "વ્યોમ"
GETCO (GEB), મુ. રાપર.
