પિયર...
દરેક પરણિત સ્ત્રીની મનભાવન જગ્યા એટલે પિયર.
ઉંમરનાં કોઈ પણ પડાવે યુવતી જેવું અનુભવાય એ સ્થળ એટલે પિયર.
મનને જે ભાવે એ ખાવા મળે એ પિયર.
નાનપણની સખીઓ સાથે ફરીથી રમતો રમવા મળે એ પિયર.
બેરોકટોક કામ કરવા મળે એ સ્થળ એટલે પિયર.
બાળકોનાં વેકેશનમાં સ્ત્રીનું સૌથી મનપસંદ ફરવાનું સ્થળ એટલે પિયર.
ટીવીનું રિમોટ જ્યાં હાથમાં જ રાખી શકાય એ પિયર.
'કોઈને નહીં ફાવશે તો?' આવું વિચાર્યા વગર નવી વાનગી બનાવી શકાય એ પિયર.
રજાના દિવસે ક્યારેક મોડે સુધી સૂઈ રહેવાય એ પિયર.
મમ્મી પપ્પાનો વ્હાલ મળે એ પિયર.
ભાઈ ભાભીનો આવકારો મળે એ પિયર.
બહેનો શાંતિથી ભેગી મળી શકે એ પિયર.
હૈયું હિલોળે ચઢે એ પિયર.
યાદ કરતાં ક્યારેક ખુશીથી તો ક્યારેક યાદોથી આંખો ભરાઈ આવે એ પિયર.
શું વાત કરું હું પિયરની?
હશે કંઈક તો ખાસ એમાં, એમ જ થોડું બધી સ્ત્રીઓને વ્હાલું પિયર!!!
