મારી કલમે - જીવન આપણું શરતો પણ આપણી :-
‘‘નોકરી કરતી મહિલાનું બાળક પણ તેની મમ્મી સાથે અપડાઉન જ કરતું હોય છે. કેમ કે, ઘરે કોઇ રાખવાવાળું ના હોય એટલે તેને મમ્મી સાથે નોકરી પર આવવું પડતું હોય છે. કાં તો બાળક નાનીના ઘરે રહેતું હોય કાં તો પછી થોડું મોટું હોય તો આખા દિવસની સ્કૂલમાં જતું હોય. આમાં પણ લોકોને તે મહિલાની આવકમાં જ રસ હોય છે એની રોજબરોજની જીંદગીમાં તેને અને તેના બાળકને જે તકલીફો પડતી હોય છે તે તો લોકો માટે ગૌણ બાબત બની જાય છે. આટલા નાના બાળકને નોકરી જવાના સમયમાં તૈયાર કરવું ને રોજ સાથે અપડાઉન કરાવવું એ એક મા જ કરી શકે. ’’
