જીવનમાં આપણને એવા ઘણા વ્યક્તિઓ મળશે જેઓ બીજા સાથે કંઈક ખરાબ થાય તો તેમાં ખરાબ થનાર વ્યક્તિનો જ વાંક હશે તેમ તેઓ માનતા હોય છે અને જ્યારે પોતાની જોડે એ જ બનાવ બને ત્યારે સામેવાળા વ્યક્તિનો જ વાંક હોય તે રીતે વર્તતા હોય છે. પોતાની ઉપર વાત આવે ત્યારે આપણે સાચા અને બીજાની ઉપર વાત આવે એટલે એ વ્યક્તિ ગુનામાં આવી જાય. આવી અસંખ્ય વ્યક્તિઓ આપણી આસપાસ હોય જ છે. આવી વ્યક્તિઓથી દૂર રહેવામાં જ ભલાઈ છે. કેમ કે આપણે જરા પણ દલીલ કરીએ તો તેઓ પોતાનો જ એકકો ખરો કરતા હોય છે. માટે નાહકનો પ્રયત્ન જ ન કરવો જોઈએ.
- પાયલ ચાવડા પાલોદરા
