વિશ્વ એક રંગભૂમિ , સૌએ પાત્ર ભજવવાનું.
મળ્યો જે રોલ આપણે, સૌએ એ અનુસરવાનું.
હર્ષશોકની વાત ભૂલી, પરિસ્થિતિને પામવાનું,
સતત રહી કર્મયોગીને, કર્મપથ પર ધપવાનું.
સલાહ સૂચના ડાયરેક્ટરના સાંપડે સમયાંતરે,
ગમે કે ખમે તો પણ એની આજ્ઞાને પાળવાનું.
લેપાવું નહીં પાત્રમાં કદીએ એ રીતે વર્તવાનું,
ધાર્યું માલિકનું થાય છે એટલું બસ સમજવાનું.
નાટક આ જિંદગીનું ઈમાનદારીથી નિભાવવાનું,
મનને રાખી મોજમાં મૌનને ધૈર્ય બસ ધરવાનું.
- ચૈતન્ય જોષી. ' દીપક ' પોરબંદર.
