વરસે છે જોને કેવો આ મેઘ અનરાધાર,
જાણે વર્ષોથી મિલનની તરસ અનરાધાર.
વરસે છે જોને કેવો આ મેઘ અનરાધાર,
જાણે વરસે છે મુજ પર તારો પ્રેમ અનરાધાર.
વરસે ઘડીક, ઘડીક થાય બંધ આ મેઘ અનરાધાર,
જાણે મોરલાનું નાચગાન અનરાધાર.
મેહુલો ગાજે ને વરસે અનરાધાર,
જાણે ગોપીઓ સંગ કાનાની રાસ અનરાધાર.
વરસે છે જોને કેવો આ મેઘ અનરાધાર,
જાણે ધરતી ખીલે હરિયાળી અનરાધાર.
વરસે છે જોને કેવો આ મેઘ અનરાધાર,
જાણે વરસે તું ને ભીંજાઉ હું અનરાધાર.
- વૈશાલી પરમાર ...
