🌹*મા* 🌹
મા ક્યારેય જતી નથી
ગયા પછી પણ એ
થોડી થોડી રહે છે....
મા હોય છે..
રસોઈની સુગંધમાં,
શ્વાસોશ્વાસના બંધમાં,
તાંબા પિત્તળના ઉજાળેલા
વાસણોની ચમકમાં,
પેલી પૂજાઘરની
ઘંટડીની ખનકમાં..
પેલી થિંગડાં વાળી
ગોદડીમાં..
થોડી.મીઠી.પ્રેમની
ગોઠડીમાં...
એ તો સતત વહે છે,
મા થોડી તો રહે છે....
મા હોય છે..
હાથેથી ભરેલા રૂમાલમાં,
પેલા મંદિરની આરતીની
ધમાલમાં...
ઉદાસીમાં જાદુની ઝપ્પીમાં,
ગરમ રોટલીની થપ્પીમાં..
દોરી વાળા ચશ્માં માં..
એ સરકતી રહે છે..
મા થોડી તો રહે છે..
મા હોય છે...
તુલસીના છોડના મૂળમાં..
એ ક ખેતરની ધૂળમાં..
ઓલા ચંપાના ફૂલમાં..
કવિતાના કુળમાં..
એ ઝલકતી રહે છે..
મા થોડી રહે છે...
મા ક્યારેય જતી નથી
એ આજે પણ છે..
