*રમતાં રમતાં*
સમય સમયની વાત છે
વ્હાલાં,
અમે રમતા રમતા ગમી ગયાં ને
તમે ગમતા ગમતા રમી ગયાં...!
શું તારૂં ,શું મારૂં..?
કહેતા કહેતા
અમે દઈ દીધું સર્વસ્વ,
તમે લઈ લીધું
સમસ્ત...!
આ તો એકતરફી
પ્રેમની વાત થઈ,
અમારું દિલડું
તમે લઈ ગયાં
અને અમે મોઢું વકાસી રહી ગયાં..!
રમતાં રમતાં થયેલ
પ્રેમની વેદના તમે શું
જાણો ?
તમે રમત સમજી અમને છળી ગયાં,
ને અમે એને અંચાઈ
સમજી ગળી ગયાં...!
અંતરની વેદના તો હજુય
પાડે છે પોકાર,
એ આવશે એક દિન જરૂર મારી પાસ,
હૈયે હજુય અકબંધ રાખી છે એક આશ...!
ૠતંભરા વિશ્વજીત
*ૠત્વિશ્વ*
