*વહેરોવંચો/વહેરોઆંતરો*
ઘરનાં મોભી છો
તો ઓઢશો ના ખોટો અંચળો ,
દીકરી ને વહુવારુમાં કરશો ના વહેરોવંચો...!
તમારી વહુ પણ છે કોઈની વ્હાલી દીકરી,
સમજશો ના એને નકામી ઠીકરી...!
એ પણ છોડીને
આવી છે સર્વસ્વ તમારાં દીકરા ખાતર,
લજાવશો ના તમારા સંસ્કાર બનીને કપાતર...!
મૂળ સાથે ઉખાડાયેલ છોડને પણ જોઈએ
છે શ્વસવા,
આ તો દીકરી છે આપજો એને પણ થોડો સમય વસવા...!
કરજો એનું પણ વહાલથી જતન,
એ પણ છે એનાં
માવતરની આંખનું
રતન...!
પ્રેમથી પ્રેમ મેળવવાનો રાખશો મહાવરો,
હાથ જોડી વિનવું
ના કરશો
વહેરોઆંતરો..!
ૠતંભરા વિશ્વજીત
*ૠત્વિશ્વ*
