સુર - સંગીત થી ગુંજી મારી જિંદગીની સફર
મળી જ્યારે મને મારી ગાડીની સફર
ભજન - ધૂન ગવાય છે મુખે ત્યારે
પેટી લઈને ફરે છે મારી ગાડીની સફર
મુજ અંધનો સહારો છે સંગીત ત્યારે
પાય પાય ભેગી કરે છે મારી ગાડીની સફર
ધિક્કાર - જાકારો મળે છે ત્યારે
થોડી હસીથી ખીલે છે મારી ગાડીની સફર
પરિવાર નો સહારો બનું છું ત્યારે
જીવન ને આગળ વધારે છે ગાડીની સફર
મનથી મક્કમ બન્યો છું આજે ત્યારે
સુખ થી ચાલે છે મારી ગાડીની સફર
