એય બીઝીબગ !
ચલ, સંતાકૂકડી રમીએ.
સંતાઈ જા તુૃં ભીતર, મનને
ટીંગાટોળી કરીએ.
એય બીઝીબગ !
ચલ, સંતાકૂકડી રમીએ.
ટેરવે ટેરવે રમત નથી, નદી કે પર્વત ? બોલ !
ધબ્બો દઈને થપ્પો કરવા, દ્વાર ફલકનાં ખોલ.
ચકાચકીની ખીચડીમાંથી
પૂરણપોળી કરીએ
એય બીઝીબગ !
ચલ, સંતાકૂકડી રમીએ.
કલર કલર કયો કલર બીઝી લાઇફસ્ટાઇલનો?
સાંકળી કરવા હાથ ઝાલ, ખો-ખો શીશમહેલનો.
ભેટી લઈએ ફૂદડી ફરતાં
રંગારોળી કરીએ
એય બીઝીબગ !
ચલ, સંતાકૂકડી રમીએ.
--નિર્મોહી
