સોના વરખ મઢેલી એક બપોરે,
ચહકતી ચકલીઓનાં કલરવ વચાળે,
તું પૃથ્વીના ગોફણમાં પ્રવેશી
બધે જ આનંદ... આનંદ...
અત્ર-તત્ર-સર્વત્ર આનંદ.
ચંદ્ર શું સૌદર્ય તારું મલકે,
આછું-આછું સ્મિત તારું છલકે,
નાનાં નાનાં લોચનીયાં તારા ચળકે,
બધે જ આનંદ... આનંદ...
અત્ર-તત્ર-સર્વત્ર આનંદ.
ને પછી....
ઝળકતાં સૂર્ય સમી તારી તેજસ્વિતા,
તારલાં સમ તારો ઝળહળાટ,
નાનાં-નાનાં તારા પગરવથી ધ્રુજે ધરા થરથર,
રૂપકડી આંગળીઓથી થાય કોમ્પ્યુટર કલીક
બધે જ આનંદ....આનંદ....
અત્ર-તત્ર-સર્વત્ર આનંદ.
