અષાઢ વરસે તને યાદ આવું છું આગળ,
હું આવી રીતે વરસને વધારું છું આગળ.
પડ્યાં છે વરસોથી કાગળ આ કોરા એનું મૂળ,
હું નામ તારું લખી આંસુ સારું છું આગળ.
કબૂલ કરવા કદી હું બધી ગુનેગારી,
નયનને બંધ કરું છું ક્યાં જાઉં છું આગળ !
હરાવવાની મને તું મમત ના કર પાગલ,
હું ભાગ્ય છું બે કદમ ચાલું છું આગળ.
કહે છે આ અનુભવ, કે છે દોહ્યલું ઘડપણ!
ખબર ના તોય, જીવન કેમ ચાહું છું આગળ!
ટકોર તો કરે છે વાતવાતે વર્ષોથી,
સ્વભાવ છે હજી કરશે એ જાણું છું આગળ.
નિકાલ લાવું વ્યથાનો જો વાત થાયે તો!
કાં તો વ્યથાને જ આજે ફગાવું છું આગળ.
*કાજલ કાંજિયા 'ફિઝા'*
