કાં ભેરુ તું આમ સાવ એકલો છે?
ભૈ દુનિયાદારી તો એક વેપલો છે;
ઘણા દોસ્તો છુટયા છે પાછળ,
લૈ લે સંગાથ જો તું એકલો છે;
સાથે રમતાં અને સાથે ભમતાં,
કર એનો સાથ જો તું એકલો છે;
વાત વાતમાં લડતાં ને ઝગડતાં,
દે એમને સાદ જો તું એકલો છે;
બાળપણની એ મોજ મસ્તીમાં,
કર મિત્રોને યાદ જો એકલો છે;
કષ્ટ તો આવે ને જાય જીવનમાં,
ના કરીશ ફરિયાદ કે તું એકલો છે;
વાદ વિવાદ તો ઘણાય કર્યા છે,
મિત્રથી કર સંવાદ જો એકલો છે;
સાદ કર જુના મિત્રોને "વિએમ",
છોડ આ જંજાળ કે તું એકલો છે;
