આવશે મુસીબત ડગલે ને પગલે,
ન જોશો રાહ મદદની,
કરો મદદ પોતે જ પોતાને.
સ્વાર્થી થઈ છે દુનિયા,
નથી કોઈ કોઈનું અહીંયા.
સાથ હશે કોઈનો તોય,
કર્મનું ફ્ળ તો મળશે એકલાને.
આવ્યાં આ દુનિયામાં એકલા,
જઈશું એકલા જ આ દુનિયા છોડીને,
તો શાને છે આ મોહમાયા?
એકલા ચાલો રે!
શોધો પ્રભુને પોતાનામાં,
એકલા ચાલો રે!
શોધો એ નિરાકારને,
મળશે ઘણાં સાથ આપવા માટે,
પણ અંતે તો રહેશો એકલા જ,
માટે જ એ અંતરાત્મા, જો ન રાહ કોઈની,
એકલા ચાલો રે!
- સ્નેહલ જાની
