*ભાંગી નાખ્યો ભરમ,*
🌺🌺🌺🌺🌺🌺🌺
ભાંગી નાખ્યો ભરમ,
હેજી મારો સમજાવીને મરમ,
ગુરુજીએ ભાંગી નાખ્યો - ટેક
દારૂ જુગાર ચોરી જારી હિંસા,
છોડાવ્યા કાળા કરમ,
માનવ સર્જિત મંદિર છુટયાં,
જાણવો મટ્યો બ્રહ્મ - ગુરુજીએ,
જાતિપણાનું એવું જોડ લઈને,
ફરતો થઈને ગરમ,
ગુણીયેલ ગુરુએ ગાળી દઈને,
પાડી દીધો નરમ - ગુરુજીએ
ઈંગલા પિંગલા શું કામ સાધુ,
મારે પદ જોઈતું નથી પરમ,
જાપ મારે જપવા મટયા,
જાણતા નિજ ધરમ - ગુરુજીએ
આત્મા પરમાત્મા લક્ષ સમાધિ,
છૂટી ગયા સરવે કરમ,
આશા રહી નહિ એકેય ઉરમાં,
મને મળતા મારો મરમ - ગુરુજીએ
ગુરુ પ્રકાશે ઓઢી ઓઢણીને,
નખશીખ પ્રગટયા નુરમ,
અવર તમે હવે આશા મુકો,
આતો જયદેવ કેરી છે હુરમ - ગુરુજીએ
🙏🏻🙏🏻🙏🏻🙏🏻🙏🏻🙏🏻🙏🏻
