દાસીજીવણસાહેબ ની વાણી...૨
🥁🥁🥁🥁🥁🥁🥁
દેખંદા કોઈ આ દલમાંય
પરખંદા કોઈ આ દલમાંય
નીરખંદા કોઈ આ દલમાંય
ઝણણણ ઝણણ ઝણ ઝાલરી વાગે
બોલે બોલાવે સબ ઘટ બોલે
સબ ઘટમાં તો રહ્યો રે સમાય
જિયાં જેવો તિયા તેવો
થિર કરી થાણા દિયો ઠેરાય
ઝણણણ....
નવ દરવાજા નવી રમતકા
દશમે મોલે ઓ દેખાય
ઓઇ મહેલમાં મરમ બોલે
આપું ત્યાગે વો ઘર જાય
ઝણણણ...
તાંત તાંત વિના તુંબે
વિના મુખે મોરલી બજાય
વિના દાંડીએ નોબત વાગે
ઐસા હે કોઈ વા ઘર જાય
ઝણણણ...
ઓઇ દુકાને દડ દડ વાગે
કરવીણ વાજા અહોનીશવાય
વિના અરિસે આપા સુઝે
વિના દીપકે જ્યોત ઝલાય
ઝણણણ....
જાપ અજંપા સો ઘર નય
ચંદ્ર સૂરજ ત્યાં પહોંચતા નાય
સુસમ ટેકથી સો ઘર જાય
આપ આપને દીએ ઓળખાય
ઝણણણ....
અખર અજીતા અરજ સુણજો
અરજ સુણજો એક અવાજ
દાસીજીવણ ભીમને ચરણે
મજરો માનો ગરીબનવાજ
ઝણણણ...
🙏🏻🙏🏻🙏🏻🙏🏻🙏🏻🙏🏻🙏🏻
