શામળા ના દુહા
કૃષ્ણચરિત્રના દુહા
કવી :- ગઢવી શ્રી પાલરવભા દેવાણંદભા પાલિયા
( 21 ) દામેણી ન દાગવી, મેં ઓધા માધા ;
શા સારૂં સગા, સામું ન જો શામળા...
( 22 ) સરગાપરનું શૈર, નસે ભાળ્યું નજરે ;
માધવ કરીને મૈર, ( તું ) સામો હાલ્ય શામળા...
( 23 ) ગોબર ભરેલી ગોપીયું, ( તે ) એના એઠા ખાધેલ અન્ન ;
માવા તારા મન, ( કોઇ દી ) મોટા ન હોય માવજી...
( 24 ) કૃષ્ણની જે બંદગી કરે, નર જીભાતે નાર ;
( એની ) દજડ જાય દરિયા પાર, સીંધના કેડે શામળા...
( 25 ) નંદને ઘેર નાથજી, અવતરીયાતા આપ ;
બાળપણમાં બાપ, ( કેદી ) સખણા રહ્યાં શામળા...
( 26 ) વાંસળીયે વળુંભતી, નવલખ ધેનું નાથ ;
( એની ) હરિવર તારે હાથ, શુધય લેતો નથી શામળા...
( 27 ) પગમાં ખલકનાં પતિ, જોને બળતીસાં ઝાળ ;
ભાળવા જાશ ભૂપાળ, શેત્રુંજાને શામળા...
( 28 ) મૈયારી થઇ મહી વેચવા, જાતી હતી જે ;
( એને ) આડફેરે આવી, સંતાપેલ તેં શામળા...
( 29 ) મામો સગો મારવો, કદી ઘટે ન કાન ;
ભૂલી ગ્યો ભગવાન, સંબંધ મામાનો શામળા...
( 30 ) અધરાતે અવતર્યા, ભલકારે ભોપાળ ;
કંસ મામાનો કાળ, સ ભાણેજ તું શામળા...
( 31 ) વળતાને જાતા વાઢવા, જગભલ કરવા જેમ ;
માસીને મામો બેન, સંહાર્યા તે શામળા...
( 32 ) પાડા જોગણીયું પીયે, જેમ દશરે દહીવાણ ;
( એમ ) પૂતનાના પ્રાણ, સોસે ગયો શામળો...
( 33 ) એને ને મારે આગલું, વચન હતું વેર ;
મનમાં આણી ન મેર, પૂતનામાસીની પાલરવ...
( 34 ) રૂખમણી ને રાધકા, નવરા દિની ઘડેલ નાર ;
દાસીને દરબાર, સુવા જાતો શામળા...
( 35 ) કડવા લાગે કૂડીયા, ભૂંડા લાગે ભા;
વાલા વિહામાં, સાચા બોલા શામળા... 2/2
