અખંડ ઝાલર વાગે ઘટમાં
અખંડ ઝાલર વાગે,
કોઇ ગુરુગમ જ્ઞાની જાગે! ,,,ઘટમાં.
ત્રિગુણી આગળ તેજ સ્વરૂપી,
સદગુરૂ આપ બિરાજે,
સોહંમ સ્વરૂપી બનકર સ્વયં
ગુરૂ સ્વરૂપ સમાવે.
ઘટમાં,,,
ત્રણ-ગુણ"પર" ત્રિવેણી તીરે,
તાર માં તાર મિલાવે,
ગગન-મંડળમાં ગૈબી ગાજે,
સુરતા સુંન ઘર લાવે,
ઘટમાં,,,
ઑહ્મ-સોંહ્મ રેણુકારમાં,
નિશદિન ગુરુગમ જાગે,
ઓહ્મકાર-નિરાકારમાં,
અર્ધ-ઉર્ધ આરાધે,
ઘટમાં,,,
અર્ધ-માત્રા સહિત ઓમકારા,
સ;બીજ-શબ્દ સુહાગે,
વેદ! નેતિ-નેતિ પુકારે,
ગુરૂ-કૃપાથી લક્ષ લાગે.
ઘટમાં,,,
દૈવી-દેવતા જે ઘર ગોતે,
કુરાન-પુરાન ન તાગે,
કહે ઉગારાંમ ઘટો-ઘટમાં,
પ્રગટ જ્યોત્યું જાગે.
ઘટમાં,,,,,,
