બે આંખો મળી
ઈશારા થયા.
મન મળ્યું
દિલોની લેવડ દેવડ થઈ.
પ્રેમના સંદેશા વહ્યા,
તું એટલે હું
હું એટલે તું
એમ સંબંધો એકાકાર થયા.
ધીમે ધીમે
તન મન એક થયા.
અડગ નિર્ણય લેવાયા
કોર્ટના ચક્રો
ગતિમાન થયા.
મિત્રો માંથી પ્રેમી
પ્રેમીમાંથી દંપતી થયા.
આનંદ ઉલ્લાસમય
જીવન જીવતા થયા.
પ્રેમના અંકુર ફૂટ્યા
પારણે પુત્રો હિંચતા થયા.
સમય બદલાયો
વિચારો બદલાયા
મતભેદ થયા.
મતભેદ થી મનભેદ
વધતા જ ગયા.
દિલ દિમાગ હૃદય
તન મન ધન
દૂર દૂર થતા ગયા.
હાર્યા થાક્યા ને
નિર્ણય લેવાયા
ફરી તું અને હું
તું અને હું બની ગયા.
બેની વચ્ચે પીસાયા
શોષાયા બિચારા થયા
એમના બચ્ચા
છતે માં બાપ
નોંધારા થયા.
......કુસુમડાભી....17..ઓગસ્ટ...2018...
