ગઝલ
તારી આંખનો સિતારો થઈ ગયો છું
તારી નજરનો બંધાણી થઈ ગયો છું
હું પ્રેમનો પુજારી થઈ ગયો છું
વાતો તારા દિલની લઈ બેઠો છું
હું ફૂલોની પથારી લઈ બેઠો છું
હું પ્રેમનો પુજારી થઈ ગયો છું
દિલમાં મારા કસક એવી થઈ ગઈ
રાતભર જામ છલકાવી બેઠો છું
હું પ્રેમનો પુજારી થઈ ગયો છું
લાગણીઓના ઘોડાપુર ઉમટી પડ્યા છે
દિલના બધા દ્વાર ખુલી ચૂક્યા છે
આજે દિલને હું થામી ને બેઠો છું
હું પ્રેમનો પુજારી થઈ ગયો છું.
- કેયુર શાહ
