" બા ના ચશ્માં "
જે દિ' થી જોયાં બા તમને,
તે દિ' થી કંઈક નવા ભાળ્યા તમને.
તમે વારંવાર એને સરખા કરો,
કાં એને સાફ કરો , કાં ઉંચે ચડાવો.
બાળ શું સમજે ??
જાણે બા રમે રમકડાં થી ....
હું પણ બાળસહજ રમવા માગું,
તો તું મુજ થી છુપાવતી.
પછી જાણ્યું કે આ તો ,
બા ની નવી આંખ.
તારી આ આંખોમાં જ તારી દુનિયા સમાણી,
એ વાત મેં સુપેરે જાણી.
તારી એ આંખો થી અમે દુનિયા ભાળી,
રામાયણ , મહાભારત ની કથા જાણી,
પરીલોક ની સૈર માણી.
તું એને જીવ ની સમે સાચવે ,
મેં પૂછ્યું , 'બા તને તારી આંખો વહાલી કે હું વહાલી ?'
તે જવાબ વાળ્યો , ' દિકરી,એ આંખો થી તુજને ભાળી,
તેથી તો તું મુજ ને વહાલી.'
મનસ્વી નાયક (મન)
