"મમ્મી મારો સામાન ક્યાં ગયો?" નિશાએ પોતાની રૂમની અંદર જ પ્રવેશતાની સાથે જ બુમ મારી.
"બેટા, એ રૂમમાં હવે તારો ભાઈ રહેશે. તું તો હવે અહીં કેટલા દા'ડા!!! મહેમાનની જેમ આવીશ ને જઈશ." નિશાની મમ્મીએ રસોડામાંથી જ જવાબ આપ્યો.
"લગ્ન થયા એને હજી તો એક અઠવાડિયું પણ નથી થયું, ત્યાં તો હું તમારા માટે મહેમાન બની ગઈ અને ત્યાં સાસરીમાં પણ ગઈ કાલે એમ જ કહ્યું કે, એને તો હજી મહેમાનની જેમ જ રેવાનું છે, તો મારૂં ઘર ક્યાં?" નિશાએ મનમાં જ વિચાર કરતા કરતા નિઃસાસો નાખ્યો અને વિચારમાં ડુબી ગઈ, "મને બધા મહેમાન જ ગણે છે તો મારા લગ્નજીવનની ખાટી-મોળી, સારા નરસી વાતો હું કોને કહું???" ફરી એકવાર એક ઉંડો નિઃસાસો નાખીને નિશા દસ દિવસ પહેલાના પોતાના એ રૂમને એક નજરથી નિહાળીને પોતાની બેગ લઇને રૂમના દરવાજેથી જ પાછી ફરી અને ગેસ્ટરૂમમાં ગોઠવવાની કોશિશ કરી રહી.
તેજલ
#સામાન
