તેજી મંદી આમ જ અવિરત, ચક્રની માફક ચાલે છે,
ખોટી ચિંતા કરશો નહી, બાકી ભગવાન હવાલે છે.
ઘટના બનતી હો કે ના બનતી હો,બેફામ ચગાવી,
અફવાના શહેરોમાં અખબાર ઘણાં ફૂલે-ફાલે છે.
પગ તારા ચાલે, તો મરજી પણ કાયમ તારી ચાલે,
ઈચ્છાઓ મારીને શાને નાચે એના તાલે છે?
એ સરકારી કાગળ ઉપર શતરંજ બિછાવે મોટી,
મોટા-ખોટા પેકેજ ધરી ચાલ અનોખી ચાલે છે.
સાચું જાણી લે જનતા, સરકારોને ચિંતા શેની?
એક તમાચો તારા, એક તમાચો મારા ગાલે છે.
...પ્રશાંત સોમાણી
