ફરી એ જગ્યા પર ગયો જ્યા જવાથી હુ ડરતો હતો . ખબર નહી કેમ અમદાવાદમા પગ રાખું અને ત્યા જવુ પડે . ભુતકાળ હતો જ્યારે એ જગ્યા મને ખાસ લાગતી હતી . કલાકો નો સમય સેન્કડોમા પસાર થાય એવું લાગતુ હતું . ઉનાળાનો તડકો અને ચોમાસાનું આગમન થાય એ દિવસો મે ત્યા વિતાવ્યા હતા .
બે દિવસ થયા હુ બે રાજ્યની સફર કરી અમદાવાદમા ગયો હતો તેના . સાથે રહેલા લોકોએ મને પુછયુ “અહીં સારું સ્થળ ક્યુ છે ?” મે કહ્યું “રિવરફ્રન્ટ” લગભગ ૧૨:૩૦જેટલો સમય થયો હશે અને અમારી ગાડી રિવરફ્રન્ટ પાસે ઉભી રહી . ગાડીની નીચે પગ રાખતા મને ચોતરફ મારો ભુતકાળ ઘેરતો હોય . પોતાની યાદો અપાવતો હોય એ જ અહેશાસ વચ્ચે સાથે રહેલા લોકો ને આ જગ્યા ની માહિતી આપવા લાગ્યો .
હુ નહોતો ઇચ્છતો કે ફરી આ જગ્યા પર આવુ , ફરી સાબરમતીના વહેણમાં વહી ગયેલા મારા પ્રેમને મારા દિલના ખોબામાં ભરું , બિજનેસ લાઈફમા ફરી હુ તેની યાદોને ઓઢી ગુમનામ બની જાવ , પણ ખબર નહી કેમ હુ એ લોકોને ત્યા લઈ ગયો જ્યા મારા જીવનની રંગીન પળો વિતી હતી . કિંજલ સાથે તેના હાથમા હાથ નાંખી સિમેન્ટના બનેલા રસ્તા પર કોમળ પ્રણયના પગરવ માંડ્યા હતા . પાંચ વરસમાં પુરા જીવનની ખુશી મળી હોય એટલો પાગલ બની ગયેલો હુ , કિંજલ વગર એ જ જગ્યા પર એકલો ઉભો રહી સિમેન્ટના તપતા રસ્તાને જોઈ રહ્યો હતો .
એ સાચુ કહેતી હતી “ મનોજ આ પ્રેમ જેવું કંઈ હોતું નથી બસ આતો આકર્ષણ છે . પ્રેમ તો પરમાત્મા જોડે થાય છે . જે જીવન પછી પણ યાદ રહેતો હોય છે “ ગુસ્તાખી હતી મારી કે અનેક આવેગમાં આવી ઘણું બધુ કહ્યા પછી મે તેનો તિરસ્કાર કર્યો હતો . એ રાતે આંખ છત તરફ હતી , વિયોગના તાપમાં આંશુ કયા રહ્યા હતા આંખમાં , ફક્ત દિલ આક્રંદ કરતું હતું .
ઘણી હિંમત કરી કાલે વોટસએપ પર મેસેજ લખવાનો પ્રયત્ન કરેલો . પણ શુ થાય કંઈ જ લખી ન શક્યો . કંઈ રીતે હુ તેની જોડે વાત કરુ ? કંઈ જ ખબર નહોતી . પુરી રાત વિતી ગઈ એ જ મથામણમાં કે હુ મારી ભુલનો એકરાર કંઈ રીતે કરુ . પણ પછી યાદ આવ્યું , માંડ એ મારા વગર તેની લાઈફમા સેટ થઈ હશે , ખુશ રહેવાનો પ્રયત્ન કરતી હશે , અને કામયાબી પણ મળી હશે , હવે તેની લાઈફમા પ્રવેશ નથી કરવો .
મારા વકિલ મિત્ર મને કહે છે , “મનોજ તારા શબ્દો ક્યારેક તારા પ્રેમમાં પાડતા હોય છે . તારે ઓછું બોલવું જોઈએ . “ તે વકિલ ને કંઈ રીતે સમજાવું કે “મારા એ જ શબ્દો મારા સળગતા દિલના કારણ બન્યા છે . જે માણસ ને રાત દિવસ મારી ચિંતા રહી છે . તેની સામે જ મારા શબ્દો ના ઝેરી તીર છોડી એ માણસને હર્ટ કર્યું છે . “
મારા નબળા આર્થિક સમયમાં હુ તેના સાથે ખુશ રહી શકતો હતો . એવો સંબધ હતો જ્યા દુનિયાદારી ખુબ દુર હતી . હવે તો એ મળશે પણ સમય જે વિતી ગયો છે . મારી ભુલનો બોઝ પણ એમને એમ જ છે . વિતી ગઈ એ રાત , વિતી ગયા એ દિવસો , વિતી ગઈ એ લાઈફ...
✍🏻મનોજ સંતોકી માનસ✍️
