પ્રેમ ના જાણે રીત કોઈ,
પ્રેમ તો જાણે ગીત કોઈ..
જો આવીને પૂછે મને કોઈ,
વાલમની તારાં પ્રિત કેવી..
કહું તુરંત હું એકદમ ઉમંગથી...
હું હેમંતી વાયરો, એ ગ્રીષ્મનો તડકો..
હું ગીતોનું માણસ, એ ચલચિત્ર કોઈ..
એને મોબાઈલ વહાલો, હું પુસ્તકિયો કીડો..
મને ભાવે ફહીતો,એ દાળ-શાકનો માણસ..
એ વૅનિલા ખાતો, મને ચોકલૅટ ફાવે..
એ ચા પીતો, મારે ગ્રીન ટી પણ ચાલે..
હું તારા ગણું, એ વહેલો ઉઠે..
હું રહી મનમોજી, એ મુંજી ઘણો..
હું ઉત્તર,એ દક્ષિણ,હું પૂર્વ,એ પશ્ચિમ..
એ ઘુઘવાતો સાગર, હું ખળખળતું ઝરણું..
પણ એ મને શોધે, હું એને ઝંખું..
એ મારી ચાહતનો કિનારો અને..
હું એની ધરતી નો છેડો..
