માણસો કેવું સતાવે છે મને?
હાથ પગ બાંધી નચાવે છે મને..

દોર દૈ છૂટો ચગાવે છે મને ...
બાદ આપસમાં લડાવે છે મને..

મોકળું આકાશ આપી બે ઘડી,
લોકની વચ્ચે લુંટાવે છે મને...

પૂંછડી બાંધી કરે છે મશ્કરી,
પાત્ર હાંસીનું બનાવે છે મને...

વીજળીના થાંભલે કાં ઝાંખરે,
લોક શૂળીએ ચડાવે છે મને...

હોય જાણે સાસરું આકાશમાં,
એમ ધાબેથી વળાવે છે મને...

દોરથી દોરાઉં છું લાચાર થૈ,
માણસો જયાં ત્યાં ઝુકાવે છે મને...

ગઝલ - "પતંગ ની વ્યથા"
#પતંગ

Gujarati Poem by Harshika Suthar Harshi True Living : 111441066

The best sellers write on Matrubharti, do you?

Start Writing Now