મૂકને આ મેસેજ ની દુનિયાને,
ચાલને થોડી સામે બેઠેલાં સાથે પણ વાત કરી લઈએ;
ચાલને થોડું આમ પણ જીવી લઈએ..
મૂકને આ પોસ્ટ ને શેર કરવાનું,
ચાલને થોડી લાગણીઓ ને પણ શેર કરી લઈએ;
ચાલને થોડું આમ પણ જીવી લઈએ..
મૂકને આ ખોટી ઇમોજી ને,
ચાલને થોડું મિત્રો સાથે પણ હસી લઈએ;
ચાલને થોડું આમ પણ જીવી લઈએ..
મૂકને આ ગૂગલ ના જ્ઞાન ને,
ચાલને થોડું મમ્મી-પપ્પા પાસેથી પણ જ્ઞાન મેળવી લઈએ;
ચાલને થોડું આમ પણ જીવી લઈએ..
મૂકને આ યુ-ટ્યુબ ના વિડીઓ ને,
ચાલને થોડાં દાદા-દાદી ના કિસ્સા પણ સાંભળી લઈએ;
ચાલને થોડું આમ પણ જીવી લઈએ..
મૂકને આ મોબાઈલ ફોન ની ખોટી દુનિયા ને,
ચાલને થોડી સાચુકલી દુનિયા માં પણ જીવી લઈએ;
ચાલને થોડું આમ પણ જીવી લઈએ..
