મને તારી કરી મૂકે છે
તારી બોલચાલ તારો હાવભાવ,
તારુ ખડતલ શરીર,
ને મળતાવડો સ્વભાવ
મને તારી કરી મૂકે છે
જ્યારે જ્યારે તું મારી સાથે
સંવાદ સાધે ત્યારે તારો જાદુઇ સ્પર્શ
મને અચંબિત કરી મૂકે છે
તારું એ માલિકી પણું
મને તારામાં સમર્પિત કરી મૂકે છે
ખુબ જ આરામ દાયક
તારું આલિંગન મને મદહોશ કરી મૂકે છે
હું મને જ નિહાળું તારામાં,
તારી એ દ્રષ્ટિ મને પ્રફુલ્લિત કરી મૂકે છે
તારી આછી ઉગેલી દાઢી નો
સ્પર્શ મને રોમાંચિત કરી મૂકે છે,
તારાં ખભા પર ઢળતો મારો દેહ
મને તારામાં ઓળઘોળ કરી મૂકે છે
પારુલ અમીત "પંખુડી"☘️?
