# Kavyotsav 2

સ્વપ્નના જગમાં જીવાતું હોત તો ?
દૂર હકીકતથી ભગાતું હોત તો ?

પ્રેમ મારે જેમ નફરતના મૂળો
તેમ દુઃખોને મરાતું હોય તો

મુક્ત પક્ષીઓ ઉડે છે આભમાં
મુક્ત થઇ મારે ઉડાતું હોત તો ?

હારવું હંમેશ ના ગમતું મને
ભાગ્ય સામે ખુદ જીતાતું હોત તો ?

નિલકંઠે વિષ પીધું જાણીને
તેમ સઘળાથી પીવાતું હોત તો ?

ભાવ બહુ છે પણ હ્રદય કોરું છે તોય
કોઈથી થોડું પલળતું હોત તો ?

જેમ ચહેરો કાચમાં દેખાય છે
તેમ અંદરનું કળાતું હોત તો ?

ખુશ કરવા દિલને કારણ શોધું છું
ખાલી ખાલી ખુશ થવાતું હોત તો

-શ્વેતા

Gujarati Poem by Shweta Talati : 111160983

The best sellers write on Matrubharti, do you?

Start Writing Now