#KAVYOTSAV - 2
#લાગણી
ઈશ્વર મળી જાય છે...
નથી મળતો હાથની રેખાઓમાં જે સાથ એ યાદોમાં મળી જાય છે,
નથી હોતો તકદીરમાં જે પ્રેમ એ તસવીરમાં મળી જાય છે.
નથી મળતી જે નદી સમુદ્રમાં એ ધરાતળમાં ભળી જાય છે,
લાખ કોશિશ કરીને કિનારાને પામવાની અંતે લહેરો સાગરમાં ભળી જાય છે.
નથી ઊડી શકતું એ પક્ષી જે સમાજની બેડીમાં જકડાઈ જાય છે,
વિશાળ ગગનને પામવાની એની ઈચ્છા એના મનમાં જ જકડાઈ જાય છે.
નથી પૂરી શકાતી એ ખાઈ જે હૃદયના તળમાં પડી જાય છે,
પર્વતની ઊંચાઈએ પહોંચીને પણ મનુષ્ય એકલો પડી જાય છે.
નથી મળતો સ્નેહ બીજા ના સ્નેહમાં જે માતાના હાથમાં જ મળી જાય છે
હાથ પકડીને રસ્તો ચિંધનાર પિતામાં જ આમ તો ઈશ્વર મળી જાય છે.
શેફાલી શાહ
અમદાવાદ
