#Kavyostav -2

કંઈક કરીએ

મારૂં - તારૂં ક્યાં છે કશુંય
તો ચાલને સહિયારૂં કરીએ,

અંતરમાં અનુભવાય હાશકારો
એવા કામો કરીએ

નાત - જાતના ભેદમાં ક્યાં સુધી પડ્યો રહીશ

જાણને તું ખુદના સાચા રૂપને

ઓળખાણ આપણી છે એ રામ થકી
એ સંબંધ લઈ એકબીજાને મળીએ

માણસ થવું ક્યાં આસાન હોય છે,
તોયે મથતો રહું છું

એ જાણીને કે મોટા થવા કરતાં
માણસ થવું સસ્તું છે

ચાલતો રહેજે તું ખુદના સિધ્ધાંત પર
મળશે સાચી ખુશી તને એમાં,

સફળતા ક્યાં હોય છે સસ્તી
તો ચાલને મહેનત કરીએ

ખુશી થશે 'વિનય' ને
જો ગમશે એના શબ્દો

ગમો - અણગમો છોડી
ચાલને એકરૂપ બનીએ

~વિનય પટેલ

Gujarati Poem by Patel Vinaykumar I : 111155565

The best sellers write on Matrubharti, do you?

Start Writing Now