સ્વાર્થ લગી સ્નેહ કરવાની છે રસમ દુનિયાની.
ગરજ સરતાં તરત ભૂલવાની છે રસમ દુનિયાની.

કામ પડતાં આવે નજીક હેતભાવ દેખાડે કેવા !
પછી ક્યાં કદી યાદ કરવાની છે રસમ દુનિયાની.

હોય મૂર્ખ પણ જ્ઞાનીમાં ખપાવે સત્તાધારીને સૌ,
માત્ર વિદ્વાનને પાગલ ગણવાની છે રસમ દુનિયાની.

ન્યાય તોળાતો પૈસાના જોરે કાયદોય વેંચાતો,
નાણા વિનાનાને ધક્કા મારવાની છે રસમ દુનિયાની.

સાચો ગણાતો ખોટોને ખોટાને સાચો ખપાવાતો,
ન હો મોત તો ઇશથી ન ડરવાની છે રસમ દુનિયાની.

ચૈતન્ય જોષી પોરબંદર. 'દીપક '

Gujarati Blog by રામાશ્રય જ્યુબીલી : 111147868

The best sellers write on Matrubharti, do you?

Start Writing Now