હર્ષની હેલી હૈયે આવી રામચરન રતિ થતાં,
હર્ષની હેલી હૈયે આવી રઘુનંદનને સ્મરતાં.
નયનઅશ્રુ ઊભરાયાં વિયોગે પામવા કાજે,
હર્ષની હેલી હૈયે આવી ઉરે પ્રીતમ વસતાં.
કૃપાદ્રષ્ટિ કરુણાનિધાનની સદવિચારે રહેવું,
હર્ષની હેલી હૈયે આવી કૃપા એની પરખતાં
અંગઉપાંગો થયાં રામાનુરાગી અવર ના હો,
હર્ષની હેલી હૈયે આવી પુલકિત ગાત્રોને જોતાં.
પરમકૃપાળુ પ્રકાશનિધિ પુણ્યપુંજ પરોપકારી,
હર્ષની હેલી હૈયે આવી અનુસંધાન જ્યાં સધાતાં.
ચૈતન્ય જોષી પોરબંદર. ' દીપક '
