હું તો હતી ભજનમાં મસ્તાનને એ આવ્યા.
ના કરી શકી કશું એનું સન્માનને એ આવ્યા.
રહી મારી ચિરઃપ્રતિક્ષા સન્મુખ દરશનનીને,
ના થયાં એનાં પગલાંના નિશાનને એ આવ્યા.
બની ગઈ બહાવરી આમ એકાએક શું હરિ ?
ના કરી શકી એના હું યશોગાનને એ આવ્યા.
પ્રગટ્યા પરમ પ્રકાશપુંજ પરાત્પર પરમેશજી,
ના સંભળાયું મને પછી કૈં કાનને એ આવ્યા.
કરી દંડવત્ તોય અવાચક નીરખી રહી કેવી!
જેને કીધાં સમર્પિત દિલનાં દાનને એ આવ્યા.
ચૈતન્ય જોષી પોરબંદર. ' દીપક '
