કટુ સત્ય જિંદગીનું સ્વીકારી લીધું હસતાં હસતાં.
લક્ષ્ય મૂઠી ઊંચેરું અમે ધારી લીધું હસતાં હસતાં.

આમ તો જિંદગીની ટેવ છે ઝટકા દેવાની પુરાણી,
એ સત્ય સનાતનને આવકારી લીધું હસતાં હસતાં.

છે અશ્રુઓનો અખૂટ જથ્થો સૌને આપવા કાજે,
પલટાતી પરિસ્થિતિમાં સંભાળી લીધું હસતાં હસતાં.

અધૂરા રહી જાય છે અરમાનો ભલભલાના અહીં,
કચવાતા મનને બીજે મેં વાળી લીધું હસતાં હસતાં.

ઠોકરના પથ્થરને સીડીનું પગથિયું બનાવીને જંપ્યાં,
એ જ રીતે જીવનને શણગારી લીધું હસતાં હસતાં.

ચૈતન્ય જોષી પોરબંદર. ' દીપક '

Gujarati Blog by રામાશ્રય જ્યુબીલી : 111072810

The best sellers write on Matrubharti, do you?

Start Writing Now